Hillubúnaður

Hillubúnaður - bæklingur 


Við höfum í rúm 30 ár aðstoðað starfsfólk bókasafna við að búa bókasöfnin sem best fyrir þá starfsemi sem þar á að fara fram.

Allt sem þarf er að panta fund með okkur og koma með teikningu í stærðinni 1:100 eða 1:50.

Við val á búnaði fyrir bókasafn er fjölbreytni, styrkur og sveigjanleiki lykilatriði.

Bókasafnsbúnaðurinn sem við bjóðum er í stöðugri þróun og framleiddur samkvæmt gæðastöðlum m.a. með tilliti til að nota umhverfisvæn efni. Val er um fjölbreyttan búnað sem allur stenst hæstu gæðakröfur hvað snertir efnisnotkun, yfirborðsfrágang, samsetningu, stöðugleika og burðarþol.

Í bókasafnsbúnaði eru afgreiðsluborð, bókavagnar, myndabókakassar auk sérbúnaðar t.d. öryggisprófaðar bókastoðir, hjól, hallandi hillur fyrir uppstillingar, hillur fyrir geisladiska og myndefni, hallandi botnhillur til að auðvelda sýn á efni í neðstu hillu, flettikassar, útdraganlegar hillur, skrifplötur og fleira.

Hillubúnaðurinn er frístandandi við vegg eða á gólfi, hann er í 5 hæðum, þremur hilludýptum og hillur eru 90 og 75 sm langar.

Við viljum heyra í þér hvort sem að þig vantar eina hillu, heilt safn eða kynningarefni. Vinsamlega hafðu samband í síma 5 612 130 eða sendu okkur erindi.